Ibiscu
Hibiscus rosa sinensis
U so nomu ibiscu hà cumu urugina latina ‘hibiscm’ chi veni da u grecu ‘hibiskos’ , nomu chi disigna à u malbavicchiu ufficinali (Althéa officinalis) è ‘sinensis’ disigna a so urigina chinesa.
- Nomu corsu: Ibiscu
- Nomu francesu: Hibiscus de Chine
- Nomu inglesu: Chinese hibiscus, China rose, Hawaiian hibiscus
Ussirvazioni
Senza tena contu di i numarosi ibridi … stu genaru cumporta 220 spezi à i culori abbaglianti
Carateristichi di a spezia
Famidda : Malvaceae
Urigina : Asia di u sudu-este in zona trupicala , saria uriginariu di a China induva ùn si truva più ch’à u statu salvaticu.
Abitatu : Zona trupicala
Carateristichi : I so frondi verdi uscuri so pirsistanti à mezzi-pirsistanti sicondu à u climu.
I so fiori rossi à l’etamini ghjaddi appariscini da u veranu à u vadimu. Nitarifari, so visitati da i farfalli è l’aceddi mosci, in zona trupicala. So cumistivuli è durani solu un ghjornu.
I fruit so di i vaini abbacati chi cuntenani numarosi granelli.
Piriodu di fiuritura : Veranu, istati, vadimu
Usi è prupietà : Ind’è a farmacupea asiatica i so infiurituri so utilizati in cataplasmi da trattà buddi , chjavelli, crepi è brusgiaturi. Cuntenani un culuranti rossu , rosus oscuri utilizati intantu chi culurantu alimintariu. Cumpusiziona di prudutti cumetichi…
U suchju intra in a cunfiziona di mascarà , i petali di fiori infrantiti dani a tinta nerra.
Ind’è numarosi sucietà , u succu d’ibiscu sicatu si cunsuma intantu chi tisana (fighjulà à a cartula)
Storia è curiosità
Hè l’emblema d’Hawaii , in Asia di u sudu-este hè assuciatu di manera curranta à u rituali d’ufferta ind’è i tempii è in India , hè didicatu à u Diu Ganesh.