Ussirvazioni
u so pullinu pò pruvuca l’alergii
Carateristichi di a spezia
Famille : Bignoniacaea
Origine : Brisiliu, Argentina.
Abitatu : furesta trupicali di u Bresiliu o d’Argentina
Carateristichi : arburu è frundamu caducu, d’un’altezza di 10 à 15 metri, pò ghjunghia sinu à 50 metri indè u so logu di vita naturali pà un diametru di 10 à 12 metri. Fiuritura assai prufumata, azzuru viuletu incù a particularità di produci 2 cicli di fiuritura (veranu è vadimu). Paniculi stretti fiori tubulari (4à 5 metri) à currolli campanulati è custighjati. I so fruta sò di i capsuli linosi (5 à7cm) chì pussedani urgani chjiusi chì s’aprani da solu, ublunghu, impiatati ivucandu l’astrii di culoru ocru.
Piriodu di fiuritura : Veranu, vadimu
Usi è prupiità : St’arburu incù u so lignu vinatu, addiaspratu hè ricircatu pà a lignamiria è l’intarsiatura, cunisciuta incù u nomu di palisandru falsu.
Hè spessu impiantatu indè l’ambienti urbani, in u longu di i straddi, indè i parchì è i giardini.
Indè a farmacupea tradiziunala d’America suttana, u frundamu a crusta è i radichierani cunisciuti pà i so prupiità contra i batterii , ch’impidisci à l’infiziona distruindu i microbi , chì stringi à i tissuti vivi è ch’abbunacia.
Priscriti in usu isternu par via di a sustanza priparata indè l’acqua accimintosa da trattà i muchì è i malatii di pedda, i varici.
Storia è curiosità
U genaru « Jacaranda » rifara à 45 à 50 spezii caduchi o pirsistanti è intruduci dapoi secculi in Africa, Asia di u livanti di u sudu, Milanisia è Pulinisia.