Scopri

I giardini di a Cullettività di Corsica

Un ghjuvellu verdi

In cori à Aiacciu

Ind’i belli tempi d’Aiacciu stazioni d’invernu, era u « Grand Hôtel et Continental » u palazzu di a cità cù u so ghjardinu splendurosu è u so paviglionu balniaru, l’Ariadne-plage, strada di i Sanguinari.

U ghjardinu hè stampatu di storia. Hè classificatu à l’Invintariu Supplimintariu di i Munimenti Storichi, chì ci stani spezii assignalati : palmi di California è di i Canarii, Araucaria, pedi d’alifanti licci situlini, Dasiliriu, Aloe,… Hè statu assistatu ghjuchendusi cù i vulumi è l’esutisimu.

Solu pà u piaceri

Di l’ochji

Hà vistu parechji urtulani chì si sò suvitati par metta una manu à u so spannamentu è ci ani lasciatu a so stampa pruvendu à risponda à i brami cambiarini di i so patroni. Dapoi una dicina d’anni, tuttu hè statu fattu da turnà à dalli u so assestu di i primi tempi, ingiru à una pruspittiva cintrali ch’omu pò veda da u Corsu Grandval, cù i so piani simetrichi chì si suvitani furmendu una meza luna, i so infilarati di palmi è i so ghjochi di masgeri.

Andeti à scopralu

Suviteti a Guida

U so mantinimentu (scelta, multiplicazioni è tramutera di pianti posti cun sumintini naturali, ristoru à manu à manu di anziani muraturi di ghjardinu) hè in manu à un architettu paisaghjistu. Li accorri un’attinzioni particulari, chì hè da rinnuvillà ogni annu.

L’acqua hè in cori à u ghjardinu, puri ch’ella ùn sighi missa in scena diretta. Par indittu, i pianti sò accolti cù esattezza sicondu i so bisogni in acqua. Omu pò capità nantu à una scena di « ghjardinu seccu » – pianti di diserti australiani o sudamericani – è in altrò nantu à un ghjardinu subtrupicali umidu, culunizatu da Ghjacarandi brasiliani è una filetta arburiscenti.

Voir le plan des jardins

Cuntatti

Aveti una dumanda ? Vi ci voli un’infurmazioni ? Eccu u cuntattu …

Scopri i giardini

Sapè tuttu nantu à i ghjardini, a so storia, a butanica….

Storia di u Gran'Palazzu

Scupriti a storia di u « Gran Palazzu di a Cullettività di Corsica » d’Aiacciu…